REVIEW: IT FACTOR HAIR PRODUCTS

الجمعة، 28 مارس 2014



REVIEW: IT FACTOR HAIR PRODUCTS
 ريفيو: منتجات إت فاكتور للشعر




السلام عليكم 
أذا تتبعوني على انستقرام تعرفون اني صبغت شعري للمرة الأولى العام الماضي ومن صبغته صار ناشف وصار يتعبني في التسريح وفي كل شي ،، نهاية العام الماضي عملت زيارة لصالون ميزون دو جويل بالرياض ،، وكتبت تفاصيلها في هذا الموضوع 

في الصالون عملولي نيو لوك واعطوني منتجات الشعر The It Factor  وهي المنتجات الأولى لتسريع وقت التسريح حتى النصف واليوم حبيت أتكلم عن رأيي في هذي المنتجات 





المجموعة مكونة من ٣ منتجات (شامبو- بلسم- كريم)  وصلتني معاهم فرشة استشوار كبيرة 

الشامبو - Shampoo


حسيته خفيف وينظف الشعر في الوقت نفسه ، واللي لاحظته انه ما نشف شعري زي الشامبوهات السابقة وشفت فيه لمعة صحية 

البلسم - Conditioner
قبل ما أصبغ شعري كنت غالبا ما استخدم الشامبو أو أحط كمية بسيطة جداً لانه كان يخلي شعري مدهن وطايح ، أما بعد الصبغة صرت أحط بلسم بالهبل عشان بس أقدر أسرح شعري وامشطه 
عجبني في هذا البلسم بالتحديد إنه مو ثقيل على الشعر , وكمان يحتوي على زيوت زي زيت الأرغان والجورجيا وفيتامين B5 . و مناسب للشعر المصبوغ والمعالج بالكيراتين وكمان يوفر حماية للشعر من أشعة الشمس الضارة والحرارة من أجهزة تسريج الشعر


الكريم - Lotion
أنا شخصياً ما أحب كريمات الشعر لأنها غالباً ماتتوزع مزبوط وتخلي شعري مدهن . هالكريم أفرك ضغطتين منه بيدي قبل التسريح وادهنها على الشهر بالكامل بس علأطراف أول بعدين الباقي بيدي أفركه في الشعر من فوق قريب من الجذور 
ريحته تجنن ويخلي الشعر لين ومرن عشان تقدرين تسرحينه ويوفر حماية من أجهزة التسريح الحارة و وأشعة الشمس الضارة .

المنتجات في منها نوعين ،، للشعر الخفيف والمتوسط ، الباكجنغ يفتح النفس وريحة المنتجات جميلة وتخلي ريحة الشعر منعشة . 

هل تقصر وقت التسريح ؟؟ 
إيوة ،، بعد ما استخدمتها في أكثر من مناسبة لاحظت انها تخلي الشعر مرن و منتعش وتسهل التعامل معاه . 

المجموعة متوفرة في صالون ميزون دو جويل بالرياض وعلى موقعهم 

DESIGNED BY ECLAIR DESIGNS・POWERED BY BLOGGER