كيف تلبسين الطبعات المقلّمة Stripes ؟؟

الثلاثاء، 2 أبريل 2013

الطبعات المقلّمة .. بأي طريقة رح تلبسينها ؟؟


 



السلام عليكم ..


اليوم رح أتكلم عن الطبعات المقلمة , الخطوط أو Stripes في مية طريقة وطريقة تقدرون تلبسون فيها هذي الطبعات بس في هذا البوست رح احاول نعدها ونشوف ايش يطلع معانا ..

بدايةّ .. بما أن اللونين الأبيض والأسود مررررا دارجين هذي الفترة أغلب الناس يفضلون يختارون قطع مخططة بهذي اللونين . منظرها يطلع أنيق وجميل ويمكن تكون هذي أسهل الطرق اللي تقدرين تلبسين فيها هذي الطبعة شوفوا الصور







 
واذا انتي موحابة تلبسينها بالأبيض والأسود وبرضو خايفة من المغامة اختاريها مع لون كلاسيكي زي البيج أو الأحمر مع الأسود .. رح تكون طلتك جميلة ان شاء الله
 
أو اختاريها بألوان ثانية ودخلي قطعتين مخططة بألوان مختلفة في طلة وحدة
 









تقدري كمان تلبسي خطوط نحيفة مع خطوط عريضة .. زي قلت سابقاً في هذا البوست  كيف تدمجين الطبعات المختلفة في طلتك
الأفضل انك تخلي الخطوط العريضة في الأماكن اللي تبغي تبرزيها في جسمك والعكس .. الخطوط الصغيرة في الأماكن اللي تبغي ننحفيها أكثر
شوفو الصوره



وتقدرين كمان تدخلين عليها الطبعة المنقّطة





واذا حسيتي أنك في مود التغيير والمغامرة جربي تدخلين عليها طبعات ثانية زي الصور هذي



 
 
 
 


بالنسبة للأكسسوارات الخيارات عندك مفتوحة .. تقدري تختاري الأسود أو اللحمي وهو أسهل الخيارات اذا كان مناسب
 أو دخلي لون تاني  مع شنطة ملونه أو حذاء ملفت ..  انا شخصيا افضل ما تحصرين نفسك بالأسود  وجربي خيارات جديدة

شوفو الصور الجاية يمكن تساعدكم على الإختيار


 





 


واذا حسيتي ان الخطوط في الملابس ما ناسبتك تقدري تتبعي هذا التريند بإنك تلبسينه في اكسسواراتك .. سواء في حذاء أو شنطة مثلا


 
 




أكيد اننا ما جمعنا كل الطرق للبس هذا التريند .. بس أتمنى أكون وضّحت أبرزها ..
أنا متأكدة انكم لو جربتو رح تطلع معاكم طرق أكثر كمان ..


كلموني على تويتر وانستقرام .. كل الروابط تلقونها فوق عاليمين
قولولي في التعليقات ايش الطريقة اللي رح تلبسون فيها الخطوط ؟؟

هناك تعليق واحد:

  1. روووعة هذا البوست .. فعلا فادني اكثر مما تتصوري ..وهذا النوع من البوستات احبه كثير ... اكثر من بوستاتك في مجلة فوغ ... اتمنى ماتحرمينا من مدونتك وطلّي علينا ببوستاتك المفيدة اللي كلها نصائح ...

    ردحذف

DESIGNED BY ECLAIR DESIGNS・POWERED BY BLOGGER